بلوچستان ہائیکورٹ کا اعظم سواتی کیخلاف تمام کیسز ختم کرنے کا حکم
کیپشن: سینیٹر اعظم سواتی
Stay tuned with 24 News HD Android App
(ویب ڈیسک) بلوچستان ہائی کورٹ نے پاکستان تحریک انصاف کے سینئر رہنما اعظم سواتی کے خلاف صوبے میں درج تمام ایف آئی آرز ختم کر کے رہا کرنے کا حکم دے دیا۔
بلوچستان ہائیکورٹ میں صوبے میں درج ہونے والی ایف آئی آرز کے خلاف دائر کی گئی درخواست پر جسٹس ہاشم کاکٹر نے سماعت کی۔ عدالت نے پولیس کو پی ٹی آئی رہنما کے خلاف درج تمام ایف آئی آرز ختم کرنے کا حکم دے دیا ہے۔
واضح رہے کہ اعظم سواتی کے خلاف خصدار، کچلاک، پسنی، ذوب اور حب میں 5 ایف آئی آرز درج کرائی گئی تھیں، جنہیں اب ختم کرنے کا حکم دے دیا گیا ہے۔