(ویب ڈیسک )مومن ثاقب کے حس مزاح سے ہر کوئی واقف ہے، وہ ڈیجیٹل سینسیشن بھی رہ چکے ہیں۔اب مومن نے اپنی پھرتیلی طبیعت سے ملتی جلتی شخصیت، ’اختر لاوا‘ سے ملاقات کی ہے۔جس کی ویڈیوز نےسوشل میڈیا پلیٹ فارمز پر کافی وائرل ہو رہیں ہیں۔مومن ثاقب نے اپنے سوشل میڈیا اکاؤنٹ انسٹاگرام پر ’اختر لاوا‘ سے ملاقات اور ملاقات کے مناظر مداحوں کے ساتھ شیئر کیے ہیں۔
مومن نے ایک ویڈیو پر لکھاہے کہ’’ اختر لاوا اب صرف لاہور کے ’پاوا‘ نہیں بلکہ پورے پاکستان کے ’پاوا‘ بن گئے ہیں جبکہ دوسری ویڈیو میں انہوں نے ملاقات کے دوران ’اختر لاوا‘ کا انداز کاپی کرتے ہوئے کی ویڈیو شیئر کی ہے۔
مومن ثاقب کا اختر لاوا کے لیے کہنا ہے کہ ’اختر لاوا ایک بہت ہی نرم مزاج شخصیت ہیں، اللّٰہ تعالیٰ اِنہیں صحت و تندرستی والی زندگی دے‘۔
یاد رہے کہ مومن ماضی میں پاکستان کے ہارنے پر بطور مداح اپنے منفرد انداز میں ٹیم پر تنقید کرنے کے سبب ہی انٹرنیٹ پر وائرل ہوئے تھے۔