(ویب ڈیسک)بالی ووڈ کی لیجنڈ اداکارہ ریکھا نے مشہوربھارتی فلم میں امیتابھ بچن کے ساتھ کام کے تجربے پر انہیں شاندارالفاظ میں خراج تحسین پیش کیا ہے۔
معروف بھارتی اداکارہ اوربگ بی کی جوڑی فلم انڈسٹری میں کافی مشہورتھی، دونوں نے ایک ساتھ کافی فلمیں کیں، ان کی فلم ’سہاگ‘ 1979ء میں ریلیز ہوئی تھی۔
بھارتی کامیڈی پروگرام کپل شرما شو میں بطور مہمان شرکت کے دوران 70 سالہ اداکارہ سے مداح نے فلم کے گانے ’شیراوالی‘ سے متعلق سوال کیا کہ آپ نے فلم ’شیراوالی‘ میں بہترین گجراتی ڈانڈیا ڈانس کیا ، آپ کی پرفارمنس سے لگا ہی نہیں کہ آپ گجراتی نہیں، آپ نے یہ کیسے کیا تھا؟
یہ بھی پڑھیں:سری لنکا کیخلاف دوسرے ٹیسٹ میں کامیابی،جنوبی افریقا کا ٹیسٹ چیمپئن شپ میں اہم پوزیشن پر قبضہ
اداکارہ ریکھا نے امیتابھ بچن کا نام لیے بغیرکہنا تھا کہ جن کے ساتھ میں ڈانڈیا کھیل رہی تھی، وہ کیا شخصیت ہے، چاہیے مجھے ڈانڈیا آتی ہو یا نہ آتی ہو، جب ایسا شخص سامنے آجائے تو ڈانس خود بخود ہوجاتا ہے۔
فلم سہاگ کی کاسٹ میں اداکارہ ریکھا، امیتابھ بچن، ششی کپور، پروین بابی، امجد خان، نروپما رائے، قادر خان، رنجیت اور جیون نے مرکزی کردار نبھائے تھے، 79 میں ریلیز ہونے والی بھارتی فلم نے کافی کمائی کی تھی۔
یہ بھی پڑھیں:ٹرمپ کا امریکا میں پیدا ہونے والے غیرملکیوں کی شہریت ختم کرنے کا اعلان