(24نیوز) بنگلادیش پریمیئر لیگ(بی پی ایل) اور سری لنکا کی لنکا ٹی 10 لیگ کیلئے پاکستانی کرکٹرز کو این او سی جاری کر دیئے گئے۔
پاکستان کرکٹ بورڈ نے بنگلا دیش پریمیئر لیگ اور لنکا ٹی 10 لیگ کیلئے متعدد کرکٹرز کو این او سی جاری کئے ہیں۔پی سی بی کی جانب سے آصف علی، عمر اکمل، عمران خان سینیئر اور محمد عامر کو لنکا ٹی 10 کیلئے این او سی جاری کیا گیا۔
اس کے علاوہ پی سی بی نے فہیم اشرف کو بی پی ایل کیلئے این او سی جاری کیا۔ فہیم کو بی پی ایل کیلئے 30 دسمبر سے 7 فروری تک این او سی جاری ہوا ہے۔
واضح رہے کہ لنکا ٹی 10 لیگ 11 سے 19 دسمبر تک سری لنکا میں ہوگی جبکہ بنگلادیش پریمیئر لیگ کا آغاز 30 دسمبر سے ہوگا۔
یہ بھی پڑھیں:کیوی بلے باز ڈیون کانوےانگلینڈ کیخلاف تیسرے ٹیسٹ سے باہر