نکاح کے بعد راکھی ساونت کو پاکستان لاؤں گا:مفتی قوی
ہمارانکاح پاکستان اور بھارت کے لیے اچھا ثابت ہوگا اوردوستی بڑھے گی،نئی ویڈیومیں پیغام
Stay tuned with 24 News HD Android App
(ویب ڈیسک)بھارتی اداکارہ راکھی ساونت کو شادی کی پیشکش کرنے والے مفتی قوی کی جانب سے نئی ویڈیو سامنے آگئی۔
مفتی قوی اس ویڈیو میں اداکارہ کو مخاطب ہوکر کہتے ہیں کہ وہ ان سے نکاح کے لیے متحدہ عرب امارات کی ریاست دبئی آرہے ہیں۔
ویڈیومیں مفتی قوی کا کہنا تھا کہ انہیں معلوم ہوا ہے کہ راکھی ساونت دبئی میں ہیں، ان سے نکاح کے لیے وہ وہاں آ رہے ہیں۔
ویڈیو میں ان کا کہنا تھا کہ چونکہ وہ باوضو ہیں اس لیے وہ ان کا نام فاطمہ لیں گے۔
ویڈیو میں انہوں نے بھارتی اداکارہ کو مخاطب ہوکر کہا کہ ان دونوں کا نکاح پاکستان اور بھارت کے لیے اچھا ثابت ہوگا اور دونوں ممالک کے درمیان محبت اور دوستی بڑھے گی۔
مفتی قوی کے مطابق ان کا اور راکھی ساونت کا نکاح پاکستان اوربھارت کو قریب لانے میں کلیدی کردار ادا کرے گا، دونوں ممالک کے عوام میں محبت بڑھے گی۔
مفتی قوی کا مزید کہنا تھا کہ نکاح سے قبل ہی وہ اور راکھی ساونت پاکستانی اور بھارتی میڈیا کے لیے ذریعہ بن چکے ہیں، وہ پاکستان سے جبکہ راکھی ساونت بھارت سے میڈیا کے ساتھ جڑی رہتی ہیں۔
ویڈیو میں انہوں نے اعلان کیا کہ وہ راکھی ساونت سے نکاح کے لیے دبئی آ رہے ہیں اور نکاح کے بعد وہ اداکارہ کو پاکستان لائیں گےجہاں نوجوان اور عوام ان کا بھرپور استقبال کریں گے۔
اس سے قبل گزشتہ ہفتے مفتی قوی نے راکھی ساونت سے مشروط نکاح کا اعلان کرتے ہوئے کہا تھا کہ اگر انہیں والدہ نے اجازت دی تو وہ بھارتی اداکارہ سے نکاح کریں گے۔
مفتی قوی کی جانب سے نکاح کی خواہش ظاہر کرنے کے بعد راکھی ساونت نے بھی اپنا رد عمل دیا تھا،بعدازاں اداکارہ نے دلہن کے روپ میں ویڈیو جاری کرکے کہا تھا کہ وہ مفتی کے انتظار میں ہیں اور یہ کہ وہ پاکستان جانے کو تیار ہیں۔
یہ بھی پڑھیں:سلمان خان کی مداح ،بطور اداکار منوج باجپائی پسند ہیں: نوال سعید
مفتی قوی سے قبل پاکستانی اداکار دودی خان نے بھی راکھی ساونت کو شادی کی پیشکش کی تھی جو اداکارہ نے قبول کرلی تھی،مفتی قوی اور دودی خان کی جانب سے شادی کی پیشکش کے بعد راکھی ساونت کے سابق شوہر رتیش سنگھ کمار نے اظہار ناراضی کرتے ہوئے دونوں پاکستانی شخصیات کے لیے دھمکی آمیز ویڈیوز جاری کی تھیں۔