(24نیوز)اسپین میں کئی دہائیوں بعدسمندری طوفان کے ساتھ بدترین برفانی طوفان دیکھا گیا ہے۔برفیلی سرد ہواوں اور برف پڑنے سے زندگی مفلوج ہو کر رہ گئی۔
غیر ملکی میڈیا کے مطابق سمندری طوفان کے ساتھ برفباری اور تیز ہواؤں نے درخت جڑوں سے اکھاڑ ڈالے، کئی انچ برف پڑنے سے ہزاروں گاڑیاں راستوں میں پھنس گئیں۔
میڈیا رپورٹس کے مطابق برفانی طوفان کے باعث میڈرڈ شہر کی ٹرین سروس معطل اور ائیرپورٹ بھی بند کر دیا گیا۔میڈرڈ انتظامیہ کی جانب سے لوگوں کو گھروں میں رہنے کی ہدایت کی گئی ہے اور متاثرہ علاقوں میں امدادی کارروائیاں شروع کر دی گئی ہیں۔