دھند،دھوپ یا بارش ،کل موسم کیسا رہے گا؟

(24نیوز) محکمہ موسمیات کا کہنا ہے کہ کل پنجاب کے میدانی علاقوں اور بالائی سندھ میں شدید دھند چھائے رہنے کا امکا ن ،کشمیر اور گلگت بلتستان میں ہلکی بارش اور پہاڑوں پرہلکی برفباری کی توقع ہے۔
 تفصیلا ت کے مطا بق ملک کے دیگر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد رہے گا ۔اتوار کے روز اسلام آباد میں مطلع جزوی ابر آلود اور موسم سرد رہے گا۔ بلوچستان کے بیشتر اضلاع میں موسم سرد اور خشک جبکہ شمالی پہاڑی علاقوں میں موسم شدید سرد رہے گا۔ گوجرانوالہ، لاہور، خوشاب، نورپورتھل، سرگودھا، فیصل آباد، سیالکوٹ، نارووال، گجرات میں میں شدید دھند چھائے رہنے کی توقع ہے۔ 
محکمہ موسمیات کا مزید کہنا ہے کہ ٹوبہ ٹیک سنگھ،جوہر آباد، جھنگ،اوکاڑہ،ساہیوال، ملتان، بہاولپور، بہاولنگر،ڈی جی خان،خانیوال،ساہیوال،خان پور اور رحیم یار خان میں کل شدید دھند کا امکان، پنجاب کے دیگر اضلاع میں موسم سرد اور خشک رہے گا۔ سندھ کے علاقوں گھوٹگی ،خیر پور،سکھر اور لاڑکانہ میں دھند پڑنے کا امکان۔ سندھ کے دیگر علاقوں میں موسم سرد اور خشک رہے گا۔ خیبرپختونخوا کے بیشتر اضلاع میں موسم شدید سرد اور خشک رہے گا۔ تاہم بالاکوٹ،مانسہرہ اور ایبٹ آباد میں ہلکی بارش کی توقع ہے جبکہ گلگت بلتستان میں کل ہلکی بارش اور پہاڑوں پرہلکی برفباری کا امکان ہے۔ اتوار کے روز کشمیر میں ہلکی بارش اور پہاڑوں پرہلکی برفباری کا امکان بھی ہے۔