وزیر خارجہ بلاول بھٹو کو امریکی ہم منصب کا ٹیلی فون، معاشی استحکام کے لیے مشاورت

(ویب ڈیسک) وزیر خارجہ بلاول بھٹو کو امریکی ہم منصب نے ٹیلی فون کیا جس میں معاشی استحکام کے لیے امریکا پاکستان شراکت کو وسعت دینے پر مشاورت ہوئی۔

 امریکی ہم منصب انتھونی بلینکن نے سماجی رابطے کی ویب سائٹ پر ٹویٹ کرتے ہوئے کہا کہ وزیر خارجہ بلاول بھٹو سے بات کی، معاشی استحکام کے لیے امریکا پاکستان شراکت کو وسعت دینے پر مشاورت ہوئی، افغان عوام کی مدد کے لیے مشترکا کوششوں پر تبادلہ خیال بھی ہوا۔

Spoke with Pakistani Foreign Minister @BBhuttoZardari today on expanding the U.S.-Pakistan partnership on economic stability and our joint efforts to support the Afghan people. We look forward to commemorating the 75th anniversary of our diplomatic relations.  #PakUSAt75

— Secretary Antony Blinken (@SecBlinken) July 6, 2022

 دوسری جانب امریکی نمائندہ خصوصی برائے تجارت دلاور سعید نے وزیر خارجہ بلاول بھٹو زرداری سے ملاقات کی۔ وزیر خارجہ بلاول بھٹو زرداری نے وفاقی اور صوبائی سطح پر پاک امریکا اقتصادی شراکت داری پر مشاورت کی۔

 ملاقات میں وزیر اعلیٰ سندھ سید مراد علی شاہ بھی شریک ہوئے۔ خطے میں انفراسٹرکچر، پائیداری اور قابل تجدید توانائی کے مواقعوں کا جائزہ لیا گیا۔ امریکی نمائندہ خصوصی برائے تجارت دلاور سعید کا کہنا ہے کہ معاشی تعلقات میں رہنما کردار باعث فخر ہے۔

خیال رہے ان دنوں دلاور سعید تجارتی و معاشی تعلقات مضبوط کرنے کیلئے پاکستان کے دورے پر ہیں۔