قومی کرکٹ ٹیم ٹیسٹ سیریز کیلئے سری لنکا پہنچ گئی

(ویب ڈیسک)ایشیا کپ سے قبل پاکستا ن کرکٹ  ٹیم اہم ٹیسٹ سیریز کیلئے سری لنکا پہنچ گئی ہے۔

تفصیلات کے مطابق  پاکستان کرکٹ ٹیم ٹیسٹ سیریز کیلئے براستہ دبئی کولمبو پہنچے گئی، قومی ٹیم کی سری لنکا روانگی سے قبل چیئرمین پی سی بی منیجمنٹ کمیٹی ذکا اشرف نے کپتان بابر اعظم سے ٹیلی فون پر گفتگو کے دوران قومی ٹیم کیلئے نیک خواہشات کا اظہار کرتے ہوئے کہا کہ پوری ٹیم کو میری طرف سے نیک خواہشات کا پیغام دیں، توقع ہے کہ ٹیم دورہ سری لنکا اور ایشیا کپ میں پاکستان کیلئے کامیابیاں سمیٹے گی۔

Smile for the camera, boys ????

Wishing our ⭐s good luck for the next assignment #SLvPAK pic.twitter.com/4jtZAEzsGm

— Pakistan Cricket (@TheRealPCB) July 8, 2023

 اس موقع پر بابر اعظم نے ذکا اشرف کو چیئرمین منیجمنٹ کمیٹی کا عہدہ سنبھالنے پر مبارکباد دی اور کہا کہ آپ کے پچھلے دور میں بھی پاکستان نے ایشیا کپ جیتا تھا، انشاءاللّٰہ اس بار بھی ایشیا کپ جیت کر پاکستان لائیں گے۔

یہ بھی پڑھیں :زلفی بخاری کے وارنٹ گرفتاری جاری

 واضح رہے کہ پاکستان اور سری لنکا کے درمیان 2 ٹیسٹ میچوں کی سیریز کھیلی جائے گی، پہلا ٹیسٹ 16 جولائی سے گال جبکہ دوسرا ٹیسٹ 24 جولائی سے کولمبو میں شیڈول ہے۔