(ما نیٹرنگ ڈیسک)انڈین ٹی وی کے معروف اداکار سوو چکربورتی نے فیس بک لائیو سیشن کے دوران ایسا اقدام کر نے کی دھمکی دے دی کہ سو شل میڈیا صا رفین بھی دنگ رہ گئے۔
تفصیلات کے مطابق بھارتی میڈیا کا کہنا ہے کہ 8 جون 2021 کو اداکار سوو چکربورتی نے فیس بک پر لائیو سیشن کے دوران دھمکی دی کہ کورونا وبا کے باعث ہونے والے لاک ڈاون کے دوران کام نہ ملنے کی وجہ سے وہ خودکشی کرلیں گے۔
صارفین نے اداکار کی جانب سے خودکشی کیے جانے کی دھمکی دینے کے بعد پولیس کو اطلاع دی اور پولیس فوراً کارروائی کرتے ہوئے اداکار کے گھر پہنچ گئی۔ پولیس حکا م کا کہنا ہے کہ اب اداکار محفوظ ہیں۔
یا د رہے کہ دنیا بھر کی طرح بھارت بھی کورونا وبا کے باعث شدید متاثر ہوا ہے لیکن کورونا کی حالیہ لہر نے بھارت میں تباہی مچادی ہے۔
یہ بھی پڑھیں:انیل کپور کے بیٹے کا با ربی ڈول کترینہ کیف سے تعلقات کا نیا مو ڑ