(ویب ڈیسک)بھارتی معروف اداکارہ کاجول نے سوشل میڈیا سے دوری اختیار کرنے کا اعلان کر دیا۔
تفصیلات کے مطابق ماضی کی مقبول ترین فلم "دل والے دلہنیا لے جائیں گے" کی اداکارہ کاجول نے اعلان کیا ہے کہ وہ سوشل میڈیا سے دوری اختیار کر رہی ہیں۔
اداکار نے انسٹاگرام پر پوسٹ میں لکھا کہ "زندگی کے مشکل ترین وقت سے گزر رہی ہیں," جس کے کیپشن میں انہوں نےلکھا کہ "وہ سوشل میڈیا سے بریک لے رہی ہیں۔"
کاجول کے مداحوں کی جانب سے اداکارہ کے اچانک اس اعلان پر تشویش کا اظہار کیا جارہا ہے۔ مداح کاجول کیلئے نیک خواہشات کا اظہار کرتے ہوئے انہیں اپنا خیال رکھنے کا مشورہ دے رہے ہیں۔
یاد رہے کہ کاجول جلد نیٹ فلکس کی ویب سیریز "لسٹ سٹوریز 2" میں اداکاری کے جوہر دکھاتی نظر آئیں گی۔