ساہیوال: ہسپتال کے چلڈرن وارڈ میں آتشزدگی سے متاثرہ مزید 2 بچےجاں بحق

 (ویب ڈیسک) ساہیوال کے ڈسٹرکٹ ہیڈ کوارٹر اینڈ ٹیچنگ ہسپتال میں آگ لگنے کی وجہ سے زیر علاج مزید دو بچے دم توڑ گئے۔

تفصیلات کے مطابق ساہیوال کے ڈسٹرکٹ ہیڈ کوارٹر اینڈ ٹیچنگ ہسپتال میں گزشتہ روز چلڈرن وارڈ میں آگ لگنے کا واقعہ پیش آیا، آتشزدگی کے نتیجے میں پیدا ہونے والے دھوئیں کی وجہ سے 2 بچے زندگی کی بازی ہار گئے جبکہ متعدد بچے متاثر ہوئے تھے۔

آگ لگنے کے دوران 75 میں سے 69 بچوں کو دوسرے وارڈ میں شفٹ کر دیا گیا تاہم کئی گھنٹے گزرنے کے بعد مزید 2 متاثرہ بچے دم توڑ گئے ہیں جس کے بعد مرنے والوں بچوں کی مجموعی تعداد 5ہو گئی، وزیر اعلیٰ پنجاب مریم نواز نے بھی ہسپتال میں آتشزدگی کا نوٹس لے لیا ہے۔

یہ بھی پڑھیں:یوٹیوبر کو 10 سال قید کی سزا کا امکان ، ایسا کیا کربیٹھے ؟جان کر آپ بھی دنگ رہ جائیں

وزیر اعلیٰ پنجاب مریم نواز شریف نے کمشنر ساہیوال سے رپورٹ طلب کر لی اور سوگوار خاندان سے دلی ہمدردی و اظہار تعزیت کرتے ہوئے کہا کہ واقعہ کی مکمل تحقیقات کرائی جائیں اور ذمہ داروں کا تعین کر کے سخت کارروائی کی جائے، دکھ کی گھڑی میں سوگوار خاندان کے ساتھ ہیں۔