(24 نیوز)خبردار کووڈ19کے حوالے سے جاری کردہ ایس او پیز پر سختی عمل کرتا رہنا چاہئے کیونکہ کورونا کی عالمی وبا7سال تک ساری دنیا پر مسلط رہ سکتی ہے۔
غیر ملکی میڈیا رپورٹ کے مطابق عوامی صحت اور وبائی امراض کے ماہرین نے انتباہ کیا ہےکہ کورونا کی موذی وبا کا پوری دنیا میں7سال تک موجود رہنے کا امکان ہے۔یہاں یہ امر قابل ذکر ہےکہ4 مارچ 2021 تک دنیا بھر میں کورونا ویکسین کی 28 کروڑ 36 لاکھ خوراکیں دی جاچکی ہیں تاہم اسی صورتِ حال کا تشویشناک پہلو یہ ہے کہ ان میں سے تقریباً 75 فیصد خوراکیں صرف 10 امیر ممالک میں دی گئی ہیں جبکہ کئی غریب ممالک ابھی تک کورونا ویکسین سے مکمل طور پر محروم ہیں، جن کی مجموعی آبادی اڑھائی ارب کے لگ بھگ ہے۔وجہ یہ ہے کہ بیشتر امیر ممالک نہ صرف اپنی ضرورت سے زائد کورونا ویکسین خرید چکے ہیں بلکہ اپنے یہاں ویکسین بنانے والے اداروں کو پابند کرچکے ہیں کہ وہ حکومتی اجازت کے بغیر کووڈ 19 ویکسین کسی بھی دوسرے ملک کو فروخت نہیں کریں گے۔