فرانس: پنشن اصلاحات کیخلاف ملک گیر احتجاج اور مظاہرے جاری

(ویب ڈیسک) فرانس میں پنشن اصلاحات کے خلاف ملک گیر ہڑتال جاری ہے اور فرانسیسی صدر ایمانوئل میکرون کے ریٹائرمنٹ کی عمر کو 62 سے بڑھا کر 64 سال کرنے کے منصوبے کیخلاف ملک گیر مظاہرے ہو رہے ہیں۔

غیر ملکی خبر رساں ادارے کے مطابق فرانسیسی وزارت داخلہ نے کہا ہے کہ ایک اندازے کے مطابق 1.28 ملین افراد نے فرانسیسی صدر ایمانوئل میکرون کے ریٹائرمنٹ کی عمر کو 64 سال کرنے کے منصوبے کیخلاف ملک گیر ہڑتال میں حصہ لیا ہے۔

حکام اور مقامی میڈیا کے مطابق فرانسیسی دارالحکومت پیرس میں منعقدہ ایک ریلی کے دوران پولیس اور مظاہرین کے درمیان چند جھڑپیں بھی ہوئیں جس کے بعد پولیس کی جانب سے 22 افراد کو گرفتار کیا گیا۔

???????? A day after the nationwide #greve7mars protests, new demonstrations focused on women — and the #pensionreform’s impact on working mothers — are taking place in Paris today.

The #geeve8mars are coinciding with #InternationalWomensDay2023@JamesAndreF24 is on the ground ⤵️ pic.twitter.com/syLbWNLEX9

— FRANCE 24 English (@France24_en) March 8, 2023

ملک گیر ہڑتال کے باعث ٹرین سروسز معطل رہیں، سکول بند اور ایندھن کی فراہمی روک دی گئی۔

رپورٹس کے مطابق حکومت اور مظاہرین کیلئے یہ ایک نازک وقت ہے کیونکہ میکرون کی حکومت امید کر رہی ہے کہ پنشن کی عمر میں دو سال تک اضافہ کرنے کا ان کا منصوبہ اس مہینے کے آخر تک پارلیمنٹ میں منظور کرلیا جائے گا۔

دوسری جانب قانون سازوں پر دباؤ ڈالنے کی کوشش کرتے ہوئے فرانس کی سخت گیر یونینوں نے کہا کہ اصل لڑائی اب شروع ہوئی ہے، اس بار کم از کم کچھ شعبوں میں کئی دن تک ہڑتالیں ہو سکتی ہیں۔