اسلام آباد:خاتون پر تشدد کرکے ’20 لاکھ نقدی ، 10 تولے سونا‘لے کر فرار ہونے والا ملزم گرفتار
Stay tuned with 24 News HD Android App
(محمد اویس)وفاقی دارالحکومت اسلام آباد میں نامعلوم افراد نے خاتون پر تشدد کرکے 20 لاکھ روپے نقدی اور 10 تولے سونا لے کر فرار ہونے والا ملزم کو پولیس نے گرفتار کرلیا۔
پولیس کے مطابق واقعہ23فروری 2025 کو پیش آیا جس کی ویڈیو سوشل میڈیا پر وائرل ہوئی،مظلوم خاتون کی مدعیت میں واقعے کا مقدمہ تھانہ مارگلہ میں درج کیا گیا ہے ، مقدمہ 5 دفعات کے تحت درج کیا گیا ،مقدمہ کے متن کے مطابق خاتون کی جانب سے کہا گیا کہ جمال نامی شخص نے دوستوں کے ہمراہ ہمارا راستہ بلاک کیا ہماری گاڑی چھیننے کی کوشش کی ،میرے سمجھانے پر جمال نے بدترین تشدد کیا،مجھے میری بیٹی کو بالوں سے گھسیٹا گیا،ہمارے بیک چھین لیے گئے جس میں 20 لاکھ کیش اور 10 تولے سونا موجود تھا۔
متن کے مطابق فرار ہوتے ہوئے ملزمان نے جان سے مارنے کی دھمکیاں دیں،ملزمان کے خلاف سخت سے سخت قانونی کارروائی کی جائے۔
پولیس ذرائع کے مطابق تھانہ مارگلہ پولیس نے ملزم کو گرفتار کر لیا۔
یہ بھی پڑھیں: صوابی:سینٹر مشتاق احمد کے بھائی کی نماز جنازہ آبائی علاقے میں ادا