کوٹ ادو: چھاپے کے دوران خواتین سے بدسلوکی کے الزام پر اہلکاروں اور ایس ایچ او کو شوکاز نوٹس جاری

(24نیوز)کوٹ ادو میں چھاپے کے دوران خواتین سے بدسلوکی کے الزام پر انکوائری آفیسر مقرر  کردیا گیا۔

ترجمان پولیس نے بتایا کہ خواتین کی جانب سے بدسلوکی کا الزام عائد کرنے پر  ڈی پی او ڈاکٹر رضوان نے ایس ایچ او اور اہلکاروں کو شوکاز نوٹس جاری کردیا۔

اہلکاروں کی جانب سے بدسلوکی سامنے آئی تو مزید کارروائی کی جائے گی۔

لڑکی نے یہ الزام عائد کیا کہ  والد کو گرفتار کرنے پولیس گھر میں گھسی تو مجھ سمیت 2 بہنوں اور والدہ کو گھسیٹا اور بدسلوکی کی۔

پولیس ترجمان نے بتایا کہ 2 مارچ کو اشتہاری ملزم رفیق چاکرانی کی گرفتاری کے لیے اس کے گھر چھاپا مارا گیا تھا، ملزم عبوری ضمانت پرتھا،3مارچ کوخود ہائیکورٹ ملتان بینچ میں آگیا تھا۔