سوشل میڈیا پر کمسن بچی کے ونی کرنے کی خبر پر آئی جی خیبرپختونخوا کا نوٹس

(24 نیوز)سوشل میڈیا پر کمسن بچی کے ونی کرنے کی خبر پر آئی جی کے پی کے کا فوری نوٹس، واقعہ میں ملوث 2 ملزمان کو حراست میں لے لیا۔

 ایس پی گوہر خان نے  پریس کانفرنس کرتے ہوئے کہا کہ متاثرہ بچی بحفاظت ورثاء کے حوالے کردی گئی،واقعہ میں ملوث دیگر ملزمان جلد پولیس کی حراست میں ہوں گے۔

  سوشل میڈیا پر چلنے والے وائس نوٹ جس میں بے بسی سے خودکشی کرنےوالا عادل نامی شخص نے غلام فرید،کفایت وغیرہ کو نامزد کیا۔

موقف اپنایا کہ زبردستی اسکی کمسن بچی سائرہ بی بی کا رشتہ (ونی) غلام فرید نے اپنے بیٹے سے کرایا ، وائس نوٹ کے وائرل ہونے پر انسپکٹر جنرل آف پولیس خیبرپختونخوا ذوالفقار حمید نے فوری نوٹس لیا اور ریجنل پولیس آفیسر ڈیرہ سید اشفاق انور اور ڈسٹرکٹ پولیس آفیسر ڈیرہ سجاد احمد صاحبزادہ کو واقعہ میں ملوث ملزمان کو گرفتار کرنے کا حکم دیا ۔

 ریجنل پولیس آفیسر ڈیرہ سید اشفاق انور نے ایس پی پہاڑپور گوہر علی خان کی سربراہی میں ایک خصوصی ٹیم تشکیل دی جس میں اے ایس پی پہاڑپور ASP علی حمزہ،ایس ڈی پی او پنیالہ بشارت خان، ایس ایچ اوز خالد جاوید اور امان اللہ شامل تھے۔

ٹیم نے فوری کارروائی کرتے ہوئے ملزمان کو ٹریس اور چھاپے لگاکر کمسن بچی س بی بی کو ونی کرنے والے مرکزی ملزم غلام فرید (لڑکے کے والد) اور عرائص نویس کفایت کو فوری طور پر گرفتار کرلیا ۔

 ایس پی پہاڑپور گوہر خان کا کہنا تھا کہ متاثرہ کمسن بچی سائرہ بی بی کو بحفاظت پولیس نے ورثاء کے حوالے کردیا ، گرفتار ملزمان سے مزید تفتیش شروع کردی جبکہ واقعہ میں ملوث دیگر ملزمان بھی جلد پولیس کی حراست میں ہونگے ۔