خواب میں نظر آنے والے ہندسوں سے مدد لے کر خاتون نے کروڑوں روپے کی لاٹری جیت لی

(ویب ڈیسک) آسٹریلوی خاتون نے خواب میں نظر آنے والے ہندسوں کی مدد سے کروڑوں روپے کی لاٹری جیت لی۔

آسٹریلیا کی ایک خاتون پر مشہور کہاوت ’ اوپر والا جب بھی دیتا ہے چھپر پھاڑ کر دیتا ہے‘ بلکل ٹھیک ثابت ہوئی ہے۔ کیونکہ اس خاتون نے خواب میں دکھنے والے ہندسوں کی مدد سے کروڑوں روپے مالیت کی لاٹری جیت لی ہے۔

یہ بھی پڑھیں: ڈالر مزید مہنگا ہو گیا

غیر ملکی میڈیا رپورٹس کے مطابق خاتون نے خواب میں ہندسے دیکھے جن کی مدد سے 6 لاکھ 70 ہزار ڈالرز (19 کروڑ پاکستانی روپے سے زائد) کی لاٹری کا جیک پاٹ جیت لیا، خاتون نے لاٹری کیلئے ایسے نمبر کا ایک ایسے سیٹ کو منتخب کیا جو اس نے رات کو خواب میں دیکھے تھے۔ 

آسٹریلیا کے شہر وکٹوریہ سے تعلق رکھنے والی خاتون کا نام الٹونا ہے جس نے 12 اپریل کو اپنا لاٹری ٹکٹ خریدا، خاتون کو انعام جیتنے کا اس وقت پتہ چلا جب اس نے اپنا بینک اکاؤنٹ چیک کیا۔ خاتون نے جب اکاؤنٹ بیلنس چیک کیا تو اس میں 6 لاکھ 70 ہزار ڈالرز تھے۔

آسٹریلوی خاتون نے مزید بتایا کہ اس نے خواب میں دکھنے والے ہندسوں کو یاد کر لیا تھا اور انہیں ہندسوں سے لاٹری ٹکٹ خریدا اور خوش قسمتی سے وہ لاٹری لگ گئی۔