شہری ہو جائیں تیار ،محکمہ موسمیات نے خطرے کی گھنٹی بجادی

(24نیوز) شہری ہو جائیں تیار، گرمی کی شدد مزید بڑھنے کا امکان، رواں ہفتے کے دوران ملک کے بیشتر علاقوں میں درجہ حرارت میں اضافے کا امکان ہے۔ 

محکمہ موسمیات کے مطابق ملک کے جنوبی علاقے گرمی کے زیر اثر رہیں گے۔ جنوبی علاقوں میں 10 سے 13 مئی کے دوران درجہ حرارت میں مزید اضافے کی توقع ہے۔

محکمہ موسمیات کے مطابق سندھ، جنوبی پنجاب اور بلوچستان میں دن کا درجہ حرارت 3 سے 5 ڈگری معمول سے زیادہ، بالائی اور وسطی پنجاب، اسلام آباد میں درجہِ حرارت 2 سے 3 ڈگری سینٹی گریڈ معمول سے زیادہ، بالائی خیبرپختونخوا، گلگت بلتستان اور کشمیر میں بھی دن کا درجہ حرارت 2 سے 3 ڈگری سینٹی گریڈ معمول سے زیادہ رہنے کی توقع ہے۔

مزید پڑھیں:  سورج کے تیور بگڑنے لگے،کتنی گرمی ہوگی؟ محکمہ موسمیات نے پیشگوئی کردی

محکمہ موسمیات کا کہنا ہے کہ کسان موسمی حالات کے مطابق فصلوں کو پانی دینے کے مناسب اقدامات کریں۔محکمہ موسمیات کا مزید کہنا تھا کہ عوام گرمی سے بچاؤ کے لیے احتیاطی تدابیر اختیار کریں۔