مہوش حیات یو یو ہنی سنگھ کے گانے"جٹ مہکما"میں لیڈی ڈان بن گئیں
گانا ہنی سنگھ کے میوزک البم گلوری کا حصہ جس کی آڈیو پہلے ہی ریلیز کردی گئی تھی
کیپشن: فائل فوٹو
سورس: گوگل
Stay tuned with 24 News HD Android App
(ویب ڈیسک)معروف بھارتی پنجابی گلوکار و ریپر یو یو ہنی سنگھ نے اپنے گانے "جٹ مہکما"کی ویڈیو ریلیز کر دی جس میں معروف اداکارہ مہوش حیات لیڈی ڈان کے روپ میں جلوہ گرہوئی ہیں۔
فوٹو اینڈ ویڈیو شیئرنگ پلیٹ فارم انسٹاگرام پر شیئر کی گئی پوسٹ کے مطابق یو یو ہنی سنگھ کے گانے "جٹ مہکما" کی میوزک ویڈیو گزشتہ روز ریلیز کی گئی ۔
مذکورہ میوزک ویڈیو کی گونج گزشتہ کئی ماہ سےتھی، حال ہی میں اس کا ٹیزر بھی ریلیز کیا گیا تھا، تاہم اب میوزک ویڈیو نے دھوم مچا دی ہے،ٹی سیریز کے بینر تلے ریلیز ہونے والے گانے میں مہوش حیات کو لیڈی ڈان کے قاتلانہ انداز میں دیکھا جا سکتا ہے۔
یہ گانا ہنی سنگھ کے حال ہی میں ریلیز ہونے والے میوزک البم "گلوری" کا حصہ ہے، جس کی آڈیو پہلے ہی ریلیز کر دی گئی تھی،اس گانے کی میوزک ویڈیو کی ہدایت کاری خود گلوکار یو یو ہنی سنگھ نے کی ہے۔