آسٹریلوی سرزمین پر آسٹریلیا کیخلاف کامیابی، قومی کرکٹ ٹیم نے بھارت کو پیچھے چھوڑدیا

(24نیوز)پاکستانی کرکٹ ٹیم آسٹریلوی سرزمین پر آسٹریلیا کے خلاف سب سے زیادہ میچ جیتنے والی ایشیائی ٹیم بن گئی ہے۔ 
تفصیلات کے مطابق اس سے قبل یہ اعزاز مشترکہ طور پرپاکستان اور بھارت کے پاس تھا جنہوں نے آسٹریلیا کے خلاف 40،40 میچوں میں کامیابی حاصل کر رکھی تھی تاہم آسٹریلیا میں جاری ون ڈےسیریز کے دوسرے میچ میں کامیابی  کےبعد پاکستان نمبر ون پوزیشن پر آگئی ہے۔ پاکستان نے 110 میچوں میں 41 کامیابیاں حاصل کی جب کہ بھارت نے 99 میچوں میں 40 میچز جیتے۔

آسٹریلیا کے خلاف ون ڈے میں پاکستان کی 18 فتوحات دو طرفہ سیریز میں ہوئی ہیں جبکہ ان کی بقیہ فتوحات آئی سی سی سے منظور شدہ مقابلوں کے دوران ہوئی ہیں۔ویسٹ انڈیز آسٹریلیا کی سرزمین پر 149 میچز میں حیرت انگیز طور پر 75 ون ڈے جیت کر مجموعی طور پر سب سے کامیاب ٹیم بنی ہوئی ہے اورانگلینڈ 124 میچز میں 53 کامیابیاں حاصل کرکے دوسرے نمبر پر ہے،نیوزی لینڈ کی ٹیم 112 مقابلوں میں 38 فتوحات حاصل کرکے پانچویں نمبر پر ہے۔

یہ بھی پڑھیں:سابق سینیٹر کا مسلم لیگ ن میں شمولیت کا فیصلہ