(24 نیوز)محکمہ موسمیات کے مطابق اسلام آباد میں دن کے وقت موسم خشک جبکہ شام یا رات میں مطلع جزوی ابرآلود رہے گا۔
محکمہ موسمیات کا کہنا ہے کہ پنجاب کے بیشتر اضلاع میں آج موسم خشک میدانی علاقوں میں گرم رہے گا، خیبرپختونخوا کے بیشتر اضلاع میں آج موسم خشک رہے گا۔ چترال، دیر، سوات اورکرم میں شام یا رات کے دوران بارش کا امکان ہے۔
سندھ کے بیشتر اضلاع میں آج موسم خشک اورگرم جبکہ بلوچستان کے بیشتر اضلاع میں آج موسم خشک رہے گا۔گلگت بلتستان اور کشمیرمیں آج مطلع جزوی ابرآلود رہنے کی توقع ہے۔
کراچی کا مطع جزوی ابر آلود موسم گرم اور مرطوب رہے گا ۔ شہر کا کم سے کم درجہ حرارت 26 ڈگری سینٹی گریڈ ریکارڈ ہوا ۔ زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے،ہوا میں نمی کا تناسب 63 فیصد ہے ۔ جنوب مغربی سمت سے ہوا کی رفتار 10 ناٹیکل مائیل رکارڈ کی گئی ۔
یہ بھی پڑھیں:آئی ایم ایف کا پاکستان سے نیا مطالبہ ۔۔ سن کرآپ دنگ رہ جائینگے