وانی کپورکےساتھ بھارتی فلم کرنے پرمِشی خان کی فوادخان پرکڑی تنقید
اپنے ملک میں اے لسٹ اداکاراؤں کےساتھ بھی میگا پراجیکٹس کرنے سے انکار کردیتے ہیں
Stay tuned with 24 News HD Android App
(ویب ڈیسک)معروف اداکارہ و میزبان مشی خان نے اداکار فواد خان کوبھارتی فلم میں اداکارہ وانی کپورکے ساتھ کام کرنے پر آڑے ہاتھوں لے لیا۔
فوٹو اینڈ ویڈیو شیئرنگ پلیٹ فارم انسٹا گرام پر میزبان نے انسٹااسٹوری شیئر کرکے پاکستان کے مقبول اداکار کو کڑی تنقید کا نشانہ بنایا ہے۔
اداکارہ نے اپنی انسٹا اسٹوری میں فواد خان اور بھارتی اداکارہ وانی کپور کی آنےوالی فلم کی جاری ہونے والی پہلی جھلک کو ری شیئر کرتے ہوئے پاکستانی سُپراسٹار پرتنقیدکرتے ہوئے لکھاکہ بڑے ہی افسوس کی بات ہے کہ فواد خان اپنے ملک میں اے لسٹ اداکاراؤں کے ساتھ میگا پراجیکٹس میں کام کرنے سے انکار کردیتے ہیں،اب بھارت کی ایک ایسی اداکارہ کے ساتھ کام کر رہے ہیں جو زیادہ مشہوربھی نہیں ہیں۔
خیال رہے کہ فواد خان کی 8 برس بعد بالی ووڈ میں واپسی ہو رہی ہے جہاں انہوں نے اداکارہ وانی کپور کے ساتھ نئی فلم "عبیر گلال"کی شوٹنگ کا آغاز کر دیا ہے۔
واضح رہے کہ فواد خان نے 2014ء میں بالی ووڈ فلم "خوبصورت" سے بھارتی فم انڈسٹری میں قدم رکھا تھا جس پر انہیں فلم فیئر ایوارڈ سے بھی نوازا گیا تھا۔