(24 نیوز)نیشنل کمانڈ اینڈ آپریشن سینٹر(این سی او سی)نے پنجاب ، اسلام آباد اور خیبرپختونخوا کے زیادہ متاثرہ 24 اضلاع میں پابندیوں میں ایک ہفتے کی توسیع کردی۔
سماجی رابطے کی ویب سائٹ ٹوئٹر پر این سی او سی نے ٹوئٹ میں کہاہے کہ پنجاب،اسلام آباداورخیبرپختونخواکے زیادہ متاثرہ 24اضلاع میں پابندیوں میں توسیع کردی گئی،24اضلاع میں پابندیوں میں 15 ستمبر تک توسیع کی گئی ہے۔
ٹوئٹ میں مزید کہاگیا ہے کہ این سی او سی کا آئندہ اجلاس 15 ستمبر کوہو گا ،اجلاس میں صورتحال کا جائزہ لیا جائے گا،نوٹیفکیشن کے مطابق 24 اضلاع میں15 ستمبرتک ہرقسم کے اجتماع پرپابندی ہوگی،تعلیمی اداروں ،جمز،پبلک ٹرانسپورٹ پرپابندیاں 15ستمبرتک عائدرہیں گی ۔
واضح رہے کہ 29 اگست کو کورونا پابندیوں کی 13 سے 27 اضلاع تک توسیع کی گئی تھی کورونا پابندیوں کی اطلاق 4 سے 12 ستمبر کیلئے کیا گیا تھا۔
یہ بھی پڑھیں: فارمولا ون ریسنگ کار ۔۔ندا کے شوہر یاسر نواز کابھی اہلیہ پرطنز۔۔ویڈیو وائرل کردی