(24 نیوز)عوامی نیشنل پارٹی (اے این پی)نے ضمنی انتخابات کے التوا کے خلاف نظرثانی درخواست الیکشن کمیشن میں جمع کرادی۔
صوبائی صدر و نامزد امیدوار این اے 24چارسدہ ایمل ولی خان کی جانب سے جمع کرائی گئی درخواست میں مطالبہ کیا گیا ہے کہ مقررہ تاریخ 25 ستمبر کو انتخابات کرائے جائے۔ لاکھوں لوگوں کو بلاوجہ غیرمعینہ مدت کیلئے حق نمائندگی سے محروم نہیں رکھا جاسکتا۔ عوام کو بلاتاخیر اپنا آئینی حق استعمال کرنے دیا جائے۔ اے این پی قانون کی حکمرانی اور شفاف انتخابات کے انعقاد پر یقین رکھتی ہے۔ نظرثانی درخواست اے این پی اسلام آباد کے جنرل سیکرٹری عبد الرحیم وزیر ایڈووکیٹ کے ذریعے جمع کرائی گئی۔
یہ بھی پڑھیں: سلطان خان کے اے این پی میں جانے کا دکھ ہے، تیمور سلیم جھگڑا