اسرائیلی بمباری سے غزہ شہری دفاع کے ڈپٹی ڈائریکٹراہلخانہ سمیت شہید 

(ویب ڈیسک)جبالیا میں اسرائیلی بمباری کے نتیجے میں غزہ شہری دفاع کے ڈپٹی ڈائریکٹر محمد عبدالحیی مرسی اہل خانہ سمیت شہید ہو گئے۔

شہری دفاع کے ترجمان نے اسرائیلی حملے میں ڈپٹی ڈائریکٹر کی شہادت کی تصدیق کرتے ہوئے کہا کہ ان کے گھر کو ہدف بنا کر حملہ کیا گیاجس کے نتیجے میں ان کے اہل خانہ بھی شہید ہو گئے۔

میڈیارپورٹس کے مطابق صیہونی افواج کے حملوں میں اب تک شہری دفاع کے 83 اہلکار شہید اور 200 سے زائد زخمی ہو چکے ہیں۔

فلسطینی وزارت صحت کے مطابق اسرائیل کے وحشیانہ حملوں میں گزشتہ 24 گھنٹوں کے دوران 33 فلسطینی شہید ہو چکے ہیں جبکہ جنوبی لبنان میں بھی 3 ایمرجنسی اہلکار شہید ہوئے ہیں۔

دوسری جانب اردن کی سرحد پرایک مسلح حملہ آور نے فائرنگ کر کے 3 اسرائیلی فوجیوں کوہلاک کر دیا،جوابی فائرنگ میں حملہ آور بھی مارا گیا۔