فوادچودھری صاحب! صبح صبح رونا شروع کردیا، مریم اورنگزیب

 (24 نیوز) مسلم لیگ ن کی ترجمان مریم اورنگزیب نے وفاقی وزیر سائنس و ٹیکنالوجی فوادچودھری  کے ٹویٹر پیغام پر ردعمل دیتے ہوئے کہا ہے کہ فواد چودھری صاحب! صبح صبح رونا شروع کردیا،ابھی سےہار تسلیم کر لی، عوا م کا نوازشریف پراعتمادہےکہ ووٹ شیر کا ہی نکلتا ہے۔

سماجی رابطے کی ویب سائٹ ٹویٹر پر مریم اورنگزیب نے اپنے پیغام میں لکھا کہ پاکستان میں جس جگہ بھی شفاف الیکشن ہوگا ،ووٹ نوازشریف کا ہی نکلے گا ۔نوازشریف نے پاکستان کوایٹمی قوت بنایا، موٹر وے ، معاشی ترقی، روزگار ، امیداور روشنی دی مسائل کی بنیادی وجہ ووٹ چوری ، آٹا چینی بجلی گیس دوائی چورمافیا ہے جس کے سہولت کار عمران صاحب ہیں۔
 مریم اورنگزیب نے  مزید کہا کہ  ‏فواد چودھری صاحب صبح صبح روندیاں،یہ شہبازشریف کی عوامی خدمت ہے کہ ووٹ پاکستان مسلم لیگ (ن) کا ہی نکلتا ہے الحمدللّٰہ.

فواد چوہدری صاحب صبح صبح روندیاں. صبح صبح ہی ہار تسلیم کر لی.یہ نوازشریف کی پالیسیاں ، ان پر عوام کا اعتماد ہے کہ ڈبے سے ووٹ شیر کا ہی نکلتا ہے یہ شہبازشریف کی عوامی خدمت ہے کہ ووٹ پاکستان مسلم لیگ (ن) کا ہی نکلتا ہے الحمدللّٰہ. https://t.co/kr3q3SowTf

— Marriyum Aurangzeb (@Marriyum_A) April 10, 2021

واضح رہے کہ وفاقی وزیر فوادچودھری نے اپنے ٹویٹر پیغام میں کہا تھا کہ  ڈسکہ کے عوام علی اسجد ملہی کو ووٹ دیں۔ ایسا نہیں کہ حکومت نے غلطیاں نہیں کیں۔نون لیگ عوام کے مفاد کے برعکس مافیا کی نمائندگی کرتی ہے ۔ نواز شریف کے طویل دور حکومت نے پاکستان کو کمزور کیا اور آج پاکستان کے مسائل کی بنیادی وجہ نون لیگ کی پالیسیز ہیں۔

ڈسکہ کے عوام علی اسجد ملہی کو ووٹ دیں یہ نہیں کہ حکومت نے غلطیاں نہیں کیں لیکن نون لیگ ایک ایسے مافیا کی نمائندگی کرتی ہے جو عوام کے مفاد کے بالکل برعکس ہے نواز شریف کے طویل دور حکومت نے پاکستان کو کمزور کیا اور آج پاکستان کے مسائل کی بنیادی وجہ نون لیگ کی پالیسیز ہیں #NA75Daska

— Ch Fawad Hussain (@fawadchaudhry) April 10, 2021