وزیراعظم نے جہانگیر ترین کو واٹس ایپ پر بھی نظرانداز کردیا

(24نیوز)وزیراعظم عمران خان نے پارٹی کے سینئر رہنما جہانگیر ترین کے واٹس ایپ مسیجز نظر انداز کر دئیے۔

ذرائع کے مطابق وزیراعظم اور جہانگیر ترین کا واٹس ایپ رابطہ مکمل طور پر منقطع ہوچکا,جہانگیرترین نے گزشتہ چند ہفتوں میں وزیراعظم کو پانچ سےزائد میسج بھجوائے،پی ٹی آئی رہنما نے پارٹی سے اپنی وفاداری کے متعلق میسج بھیجے۔ذرائع کے مطابق جہانگیر ترین نے اپنے کیسز میں وضاحت کا میسج بھی بھیجا لیکن وزیراعظم نے ان کے تمام میسجز نظر انداز کردئیے۔

ذرائع نے یہ بھی دعویٰ کیا ہے کہ لندن سے واپسی پر جہانگیر ترین نے فون پر وزیراعظم سے ایک مرتبہ رابطہ کیاتھا۔یہ رابطہ وزیراعظم اور جہانگیر ترین کےمشترکہ  دوستوں کے مشورے پرہوا تھا ۔ وزیراعظم نے جہانگیر ترین کے حالیہ مسیجز کا کوئی جواب نہیں دیا۔ذرائع کا کہنا ہے کہ وزیراعظم عمران خان شفاف اور بلاامتیاز احتساب پر کوئی سمجھوتہ کرنےکو تیار نہیں  ہیں۔

یہ بھی پڑھیں:ٹک ٹاک اسٹار حریم شاہ بڑی مشکل میں پھنس گئیں !!!