خاتون نے خود کشی کر نے کے بعد مجرموں کو عدالت پہنچا دیا

(24نیوز)جوڈیشل مجسٹریٹ وسطی کی عدالت نے خاتون کے بلیک میلنگ سےتنگ آکرخودکشی کرنے کے معاملے میں ملوث 4 ملزموں کو 2روزہ جسمانی ریمانڈ پر پولیس کے حوالےکردیا۔

تفصیلات کے مطابق کراچی میں جوڈیشل مجسٹریٹ وسطی کی عدالت میں خاتون کے بلیک میلنگ سےتنگ آکرخودکشی کرنے کے معاملے پر سماعت ہوئی، پولیس نے وقاص سمیت 4 ملزموں  کوعدالت میں پیش کیا۔تفتیشی افسر نے بتایا کہ 3ملزم مفرورہیں، گرفتاری کیلئےچھاپےمارےجارہےہیں، خاتون نےدوست کوروتےہوئےمیسجزکیے، ملزموں  کے نام بھی بتائے۔

پولیس کے مطابق خاتون نے اپنے آڈیو پیغام میں کہا کہ مجھےہراساں اوربلیک میل کیاجارہاہے،محلےکےبہت سےلڑکےہیں جومجھےہراساں کررہے ہیں، مجھےبہت تنگ کرکےرکھ دیااب توحدہوگئی ہے۔آڈیو پیغام میں کہا گیا کہ وقاص نےمجھے4مہینےسےتنگ کرناشروع کردیاتھا، وہ مجھےڈرارہاتھا،دھمکارہاتھا اورہراساں کررہاتھا، میں جاب کیلئے نکلتی تھی تووہ میراراستہ روکتاتھا، کہتا تھا تم نے میری بات نہیں سنی تو میں کچھ بھی کر سکتا ہوں، وہ بچوں کو نقصان پہنچانے کا کہتا تھا میں ڈرتی تھی۔

خاتون نے آڈیو پیغام میں بتایا کہ وقاص نےزبردستی مجھ سےنکاح کیامجھےنہیں پتہ وہ اصلی ہےیانقلی، نکاح نامہ اس کے پاس ہے، اس نےکہاشوہرہوں تمہاراخیال رکھوں گا، اس نےمیری وڈیوبنائی اورپھروڈیووائرل کردی اور اپنےدوستوں،محلے کے تین چار لڑکوں کو ویڈیودکھائی۔اتنابڑادھوکہ فریب،خاتون آڈیومیسیج کرتےہوئے روئےچلی جارہی ہے ، میں کیاکوئی استعمال کی چیزتھی جومیرےساتھ اس طرح سے کیا گیا، جس کے بعد عدالت نے ملزموں  کو2روزہ جسمانی ریمانڈپرپولیس کےحوالےکردیا۔

یاد رہے کراچی کے علاقے شادمان ٹاون میں خاتون کی بلیک میلنگ سے تنگ آکر خودکشی کرلی تھی، بعد ازاں خاتون کی خودکشی کے واقعے کا مقدمہ شارع نورجہاں تھانے میں درج کرلیا گیا۔مقدمہ متوفیہ کے بھائی کی مدعیت میں چھ لڑکوں کیخلاف درج کیا گیا تھا۔

یہ بھی پڑھیں:      میں اس بلاگ بسٹر فلم میں کام کی بجائے خودکشی کو تر جیح دیتی،ایشوریارائے کاانکشاف