نوازشریف کے کیسز کا کیا بنے گا؟  شہبازشریف نے بتادیا

(ویب ڈیسک) مسلم لیگ ن کے صدر شہبازشریف کا کہنا ہے کہ ہم بھارت کے ساتھ امن کے خواہاں ہیں۔ مسئلہ کشمیر کے حل کے بغیر امن ممکن نہیں۔قومی ہم آہنگی میری پہلی ترجیح ہے۔

نامزد وزیراعظم شہبازشریف نے  میڈیا سے غیر رسمی خصوصی گفتگو کرتے ہوئے کہا ہے کہ نئی کابینہ کی تشکیل اپوزیشن رہنماؤں کی مشاورت کیساتھ ہوگی۔ کوشش ہوگی کہ ملکی معیشت بہتر کرکے عوام کو ریلیف دے سکیں۔ ملک میں نئے دور کا آغاز کریں گے۔ باہمی احترام کو فروغ دیں گے۔

 صحافی نے سوال پوچھا کہ میاں نوازشریف کب واپس آئیں گے؟ان کے کیسزکا کیا بنے گا؟  جس پر شہبازشریف نے جواب دیا کہ میاں نوازشریف کے کیسز قانون کے مطابق دیکھے جائیں گے۔

Special thanks to media, civil society, lawyers, my Quaid Nawaz Sharif, Asif Zardari, Maulana Fazal-ur-Rehman, Bilawal Bhutto, Khalid Maqbool, Khalid Magsi, Mosin Dawar, Ali Wazir, Amir Haider Hoti & leaders & workers of all political parties for standing up for the Constitution!

— Shehbaz Sharif (@CMShehbaz) April 10, 2022

دوسری جانب اپوزیشن جماعتوں کے متفقہ وزیراعظم کے امیدوار شہباز شریف نے اپنے ٹوئٹر پیغام میں لکھا ہے کہ آئین کی بالادستی کے لئے ساتھ دینے پر سب سیاسی کارکنوں کا شکر گزار ہوں ۔

 شہبازشریف نے مزید لکھا کہ اپنے قائد نواز شریف کا بھی شکر گزار ہوں۔ آصف علی زرداری ، مولانا فضل الرحمان اور بلاول بھٹو کا بھی شکریہ ادا کرتا ہوں ۔نامزد وزیراعظم نے ٹیوٹر پیغام میں میڈیا،سول سوسائٹی اور وکلا کا بھی شکریہ ادا کیا۔

 یہ بھی پڑھیں: تحریک عدم اعتماد کی کامیابی۔شیخ رشید کا بڑا اعلان