"دنیا انتہائی بدصورت اور زہریلی ہے یہ چوری کرنے پر ہاتھ نہیں سر کاٹتی ہے" ، اشنا شاہ

(ویب ڈیسک)پاکستان شوبز انڈسٹری کی معروف اداکارہ اشنا شاہ فیروز خان کو معاف کرنے پر تنقید کی زد میں آنے کے بعد ناقدین کو آڑے ہاتھوں لیتے ہوئے سخت ردعمل کا اظہار کر دیا۔

مائیکروبلاگنگ سائٹ ٹوئٹر پر طویل ٹوئٹ کرتے ہوئے اداکارہ نے لکھا کہ "وہ بدسلوکی کرنے والوں سے ہمدردی نہیں رکھتیں بلکہ انسانوں سے ہمدردی رکھتی ہیں، دنیا انتہائی بدصورت اور زہریلی ہو گئی ہے"۔انہوں نے لکھا کہ" میں اس رمضان ایک ایسی عورت کے ساتھ کھڑی تھی جس نے اپنے والد کو کھو دیا، ایک ایسے دوست کے لیے کھڑی تھی جسے بے جا گرفتار کیا گیا",اداکارہ نے اپنی مثال دیتے ہوئے کہا کہ "وہ آن لائن کی جانے والی تنقید اور منفی تبصروں کا تجربہ رکھتی ہیں اور اس کے اثرات سے بھی واقف ہیں اس لئے سوشل میڈیا صارفین پر زور دیا کہ وہ بغیر سوچے سمجھے کسی بھی انتہا پر نہ پہنچیں، جہاں سے واپسی ممکن نہ ہو، کیونکہ یہ جان لیوا بھی ثابت ہوسکتے ہیں, چور کی سزا ہاتھ کاٹنا ہے، لیکن سوشل میڈیا صارفین اس کا سر کاٹنے پر تل جاتے ہیں"۔

Introspection. pic.twitter.com/lMRi2pwviF

— Ushna Shah (@ushnashah) April 8, 2023

اشنا شاہ نے کہا کہ "میں اپنے ضمیر کے مطابق آواز اٹھاتی ہوں، مجھے اپنے خیالات کا اظہار کرنے کی اجازت ہے چاہے مجھے شدید ردعمل کا سامنا ہی کیوں نہ کرنا پڑے، میں اس کے لیے معافی نہیں مانگوں گی اور فیروز خان سے باحیثیت انسان ہمدردی ہے لیکن اس کا مطلب یہ نہیں ہے کہ فیروز کی سابقہ اہلیہ کے الزامات غلط تھے"۔انہوں نے واضح کیا کہ" وہ بدسلوکی ، گھریلو تشدد کرنے والے سے نہیں بلکہ انسان سے ہمدردی رکھتی ہیں, وہ کسی ایسے جرم کے لیے لوگوں کو قتل کرنے پر یقین نہیں رکھتی جس میں پھانسی کی سزا نہ ہو سکتی ہو"۔

View this post on Instagram

A post shared by Ushna Shah-Amin (@ushnashah)

اشنا شاہ نے مزیدلکھا کہ" آج کے دور میں دنیا انتہائی بدصورت اور زہریلی ہو گئی ہے لیکن وہ چاہئے جانور ہو یا انسان ہر مظلوم کے حق میں آواز بلند کرنا جانتی ہیں اور اس کے لئے اللہ تعالیٰ کے آگے جواب دہ ہیں۔"

View this post on Instagram

A post shared by Ushna Shah-Amin (@ushnashah)

یاد رہے کچھ روز قبل اشنا شاہ نے انسٹاگرام پر سٹوری پوسٹ کی تھی جس میں انہوں نے فیروز خان کو ماہ رمضان کے صدقے معاف کرنے کا اعلان کیا تھا۔اشنا نے اپنی سٹوری میں فیروز اور اپنے جم انسٹرکٹر کے ہمراہ تصویر اور ایک حدیث نبویﷺ کا ترجمہ بھی شیئر کیا تھا جس کے مطابق "رمضان المبارک ایسا مہینہ ہے جس کا اول رحمت ہے، درمیان بخشش اور اس کے آخر میں جہنم سے نجات ہے اور یہ اللہ تعالیٰ کی رحمت ہے"۔ بعدازاں انہیں شدید تنقید کا سامنا رہا۔