(ویب ڈیسک) تحریک انصاف کے چیئرمین عمران خان نے اپنی رہائش گاہ زمان پارک میں کارکنوں کے ساتھ روزہ افطار کیا۔ جہاں مختلف رہنماؤں کی جانب سے افطاری کا اہتمام کیا گیا۔
اس موقع پر سابق وزیراعظم و چیئرمین تحریک انصاف عمران خان نے کارکنوں سے خطاب کرتے ہوئے کہا کہ میں میانوالی کو کبھی نہیں بھول سکتا، اگر یہ مجھے ایم این اے نہ بناتے تو ہو سکتا میری سیاست نہ ہوتی، جب بچپن میں صبح کی نماز پڑھتا تھا تو مجھے اثر نہیں ہوتا تھا، مجھے سمجھ ہی نہیں تھی میں کیا پڑھ رہا ہوں۔
انہوں نے کہا کہ نماز دین کی بنیاد ہے جب تک سمجھ نہ آئے آپ پڑھ کیا رہے فائدہ نہیں ہوتا، دین ہمیں اشرف المخلوقات بناتا ہے، اللہ نے فرشتوں کو کہا آپ نہیں جانتے میں نے انسان کو کتنی صلاحیتیں دی ہیں۔