مہنگی ترین ٹرف ناقص ، کھلاڑیوں کو کھیلنے میں شدید مشکلات کا سامنا

(احمد رضا , ہیڈ سپورٹس ڈیسک)پاکستان کے قومی کھیل ہا کی کے ساتھ ایک اور کھیلواڑ،پشاور کے لالہ ایوب انٹرنیشنل ہاکی سٹیڈیم میں  لگی غیرمعیاری ٹرف اکھڑنا شروع ہو گئی۔

تفصیلا ت کے مطابق   پشاور کے  نیشنل ہاکی سٹیڈیم کا بڑا سکینڈل سامنے آگیا ، 10 سے 15 کروڑ روپے کی بجٹ کی آسٹرو ٹرف  ناقص ہونے کا انکشاف ،صرف تین ماہ میں ہی اکھڑنا شروع ہوگئی، توازن بھی  برقرار نہیں ، جبکہ پیڈنگ مناسب نہ ہونے کی باعث  کھلاڑیوں کو کھیلنے میں شدید مشکلات کا سامنا کرنا پڑ رہاہے۔

 معاملہ اٹھانے پر پاکستان سپورٹس بورڈ  5 رکنی کمیٹی تشکیل ، جس کا  لیٹر24 نیوز نے  حاصل کر لیا، ڈپٹی ڈائریکٹر سپورٹس بورڈ سعید اختر کی سربراہی میں کمیٹی ایک ماہ  میں  رپورٹ پیش کرنے کی پابند  ہو گی۔