کک باکسر کی واپسی ، علی ظفر کا خوشی کا اظہار

(ویب ڈیسک)بین الاقوامی شہرت یافتہ گلوکار علی ظفر نے معروف پاکستانی  باکسر آغا کلیم کی ٹریننگ پر واپسی پر خوشی کا اظہار کیا۔

تفصیلات کے مطابق سماجی رابطے کی سائٹ ٹوئٹر پر ایک ویڈیو تیزی سے وائرل ہو ئی  تھی ، جس میں معروف باکسر آغا کلیم سڑک کے کنارے ریسٹورنٹ میں روٹیاں بنا رہے ہوتے ہیں، ویڈیو کے ساتھ کک باکسر نے مدد کی اپیل کی تھی۔بعد ازاں سپر سٹار علی ظفر نے ٹوئٹ کا جواب دیتے ہوئے کہا کہ "ہمیں اپنے قومی ہیروز کی قدر کرنی چاہیے۔خاص طور پر ان لوگوں کی جنہوں نے ہمیں بین الاقوامی سطح پر فخر دلایا ہے"۔

We must value our national heroes, especially those who've brought us international pride, and never abandon them. The sports mafias that hold back such talent should be eradicated. I will support him financially.
He should return to the ring and fight again, and I'll train with… https://t.co/wVbr6SPS2H

— Ali Zafar (@AliZafarsays) April 8, 2023

گلوکار نے مزید کہا کہ "ایسے ٹیلنٹ کو روکنے والے سپورٹس مافیاز کو ختم کیا جانا چاہیے، میں آغا کلیم کی مالی مدد کروں گا",علی ظفر نے کلیم کو رنگ میں واپس آنے اور دوبارہ لڑنے کی ترغیب دی جبکہ اپنی اگلی فلم کے لیے کلیم آغا کے ساتھ ٹریننگ کی بھی پیشکش کی"۔علی ظفر کی کک باکسر کی مدد کرنے کی ترغیب سوشل میڈیا پر صارفین کی جانب سے خوب پسند کی گئی ، جبکہ علی ظفر اور کک باکسر کے اقدام کی حوصلہ افزائی بھی کی گئی ۔ جس کے بعد  کک  باکسر نے ٹریننگ پر واپسی دی  ، جس کی ویڈیو علی ظفر نے اپنے  مداحوں کے ساتھ شیئر کرتے ہوئے کیپشن میں لکھا کہ "زبردست، آپ ایک بار پھر جیتے گے، انشا ئ اللہ ۔"

Excellent. You will win again IA. https://t.co/gCEB2XjhDT

— Ali Zafar (@AliZafarsays) April 10, 2023

واضح رہے کہ لاہور سے تعلق رکھنے والے آغاکلیم  کک باکسنگ میں متعدد قومی اور بین الاقوامی ٹائٹل جیت چکے ہیں۔