(روزینہ علی)اسلام آباد یونائیٹڈ پی ایس ایل ٹائٹل تین مرتبہ جیتنے والی واحد ٹیم ہے، اسلام آباد نے 2016، 2018 اور 2024 میں پی ایس ایل ٹائٹل اپنے نام کیا۔لاہور قلندرز نے دو مرتبہ 2022 اور 2023 کا ٹائٹل جیتا۔
رواں پی ایس ایل سیزن میں اسلام آباد یونائٹڈ کی قیادت شاداب خان کریں گے، لاہور قلندرز شاہین شاہ آفریدی کی قیادت میں میدان میں اترے گی۔دونوں ٹیموں کو تجربہ کار ملکی اور غیرملکی کھلاڑیوں کی خدمات حاصل ہیں، اسلام آباد یونائیٹڈ نے اب تک پی ایس ایل میں مجموعی طور پر 100 میچز کھیلے ہیں۔
اسلام آباد یونائیٹڈ نے 55 میچز جیتے اور 44 میں اسے شکست ہوئی، اسلام آباد کا ایک میچ ٹائی ہوا، لاہور قلندرز نے 94 میں سے 40 میچوں میں کامیابی حاصل کی۔
لاہور قلندرز کو 51 میچز میں شکست ہوئی اور 3 میچز ٹائی ہوئے، ایچ بی ایل پی ایس ایل10 میں کرکٹ کے دنیا کے کئی بڑے نام کمنٹری میں نظر آئیں گے، انگلینڈ کے سابق کپتان سر الیسٹر کک اور ایم سی سی کے سابق صدر مارک نکولس کے نام قابل ذکر ہیں۔
پہلی مرتبہ ہر میچ میں مکمل اردو کمنٹری ہوگی، میچوں کے دوران ریفل ٹکٹ کے ذریعے انعامات اور نئی جدت کے ساتھ پلیئر ٹریکنگ ٹیکنالوجی کا متعارف کرائی جائے گی۔
یہ بھی پڑھیں :علیمہ خان کی عمران خان سے ملاقات کی درخواست منظور