(24نیوز) اسلام آبادمیں سری نگر ہائی وے پر بے قابو ڈمپر نے گاڑی کو ٹکر ماردی جس کے نتیجے میں 3 افراد جاں بحق ہوگئے۔
تفصیلات کے مطابق اسلام آباد کے سیکٹر جی نائن میں سری نگر ہائی وے پر ریت سے بھرے ڈمپر نے گاڑی کو کچل ڈالا، گاڑی میں سوار 3 افراد موقع پر ہی جان سے ہاتھ دھو بیٹھے،ریسکیو اہلکاروں نے لاشوں کو ہسپتال منتقل کردیا، جاں بحق افراد کا تعلق سی ڈی اے سےہے، پولیس نے کارروائی کے بعد لاشوں کو ورثا کے حوالے کردیا۔
دوسری جانب ریت سے بھرے دمپر کو ہٹانے کے لئے کرین موقع پر پہنچ گئی۔ ڈمپر کو اٹھاتے ہوئے کرین سے ڈمپر چھوٹ گیا اور الٹ گیا جس سے ڈیزل کی ٹینکی لیک ہوگئی۔
یہ بھی پڑھیں: کوئٹہ۔۔ سی ٹی ڈی کا آپریشن ۔۔ 5 دہشتگرد ہلاک