(ما نیٹر نگ ڈیسک) معروف ادا کا رہ بینش راجا نے متعدد ڈراموں میں شاندار کردار ادا کرنے سمیت چند گانوں میں بھی پرفارم کیا ہے ۔ وہ پاک فوج کو خراج عقیدت پیش کرنے والے عاطف اسلم کے گانے زمین جاگتی ہے میں بھی دکھائی دی تھیں۔ ان سے متعلق خبریں ہیں کہ خاموشی سے شادی کرلی۔
تفصیلات کے مطابق سو شل میڈیا پر خبریں زیر گر دش ہیں کہ انہو ں نے اسلام آباد میں حال ہی میں اپنے دیرینہ دوست سے اہل خانہ اور قریبی رشتہ داروں کی موجودگی میں شادی کی۔ شادی کی تصاویر سوشل میڈیا پر وائرل ہوگئیں اور شوبز شخصیات سمیت مداحوں نے بھی انہیں مبارک باد پیش کی۔
وائرل ہونے والی شادی کی تصاویر میں اداکارہ کو سرخ رنگ کے عروسی لباس جب کہ ان کے جیون ساتھی کو سنہری رنگ کے کرتے میں دیکھا جا سکتا ہے۔یہ واضح نہیں ہوسکا کہ اداکارہ کی شادی کب ہوئی اور اس حوالے سے اداکارہ نے اپنے سوشل میڈیا اکاؤنٹس پر اس حوالے سے کوئی پوسٹ شیئر کی؟
تاہم بعض سوشل میڈیا پیجز پر بھی ان کی شادی کی تصاویر شیئر کرتے ہوئے بتایا گیا کہ اداکارہ نے اسلام آباد میں حال ہی میں چھوٹی سی تقریب میں رشتے داروں کی موجودگی میں شادی کی۔بینش راجا کے سوشل میڈیا اکاؤنٹس پر ان کی شادی سے متعلق 10 اگست کی صبح تک کوئی پوسٹ شیئر نہیں کی گئی تھی۔
یہ بھی پڑھیں:ماہرہ خان پاک فوج کی پہلی خاتون لیفٹیننٹ جنرل کے روپ میں دکھائی دیں گی؟