ہائیڈروجن سے چلنے والی فضائی ٹیکسی کی 523 میل طویل ریکارڈ پرواز

(24 نیوز)امریکا میں ہائیڈروجن اور بجلی سے چلنے والی ایک فضائی ٹیکسی نے ریکارڈ 523 میل کی پرواز مکمل کرلی۔

پرواز مکمل ہونے پر طیارے میں صرف 10 فی صد ہائیڈروجن ایندھن باقی بچا اور ماحول دوست ایندھن ہونے کے سبب بطور فضلا صرف پانی خارج ہوا،جوبی ایوی ایشن کی یہ ایئر ٹیکسی اپنی نوعیت کا پہلی ہائیڈروجن،برقی ایئر کرافٹ ہے جو عمودی انداز میں ٹیک آف یا لینڈ کرتا ہے،جوبی کے بانی اور چیف جو بین بیورٹ کا کہنا تھا کہ فضائی سفر انسانی ارتقاء میں مرکزی حیثیت رکھتا ہے لیکن اس کے لیے صاف راستے ڈھونڈنے کی ضرورت ہے۔

ان کا کہنا تھا کہ کمپنی کی بیٹری-الیکٹرک ایئر ٹیکسی سے شہروں میں گھومنے کے طریقے میں بنیادی تبدیلی رُونما ہوئی، اب کمپنی ایک ایسی ٹیکنالوجی بنا رہی ہے  جو ہائیڈروجن-الیکٹرک ایئرکرافٹ کو استعمال کرتے ہوئے علاقائی سفر کو نئی شکل دے سکتی ہے،کمپنی کا کہنا تھا کہ اس کی ایئر ٹیکسی مین ہیٹن سے جے ایف کینیڈی ایئرپورٹ تک کار میں طے کیا جانے والا ایک گھنٹے کا دورانیہ کم کر کے سات منٹ تک لے آئے گی۔