ہیپی برتھ ڈے ٹو یو گریٹ جہانگیر۔۔۔

(24نیوز)سکواش کے عظیم کھلاڑی جہانگیر خان 57 برس کے ہوگئے، انہوں نے اپنے گھر میں سالگرہ کا کیک کاٹا۔ بے شمار اعزازات اور ان گنت ریکارڈز کے مالک جہانگیر خان نےسکواش کے کو رٹ میں کا میابیوں کے نئے ریکارڈ قا ئم کئے۔
تفصیلا ت کے مطا بق 10دسمبر 1963 کو کراچی میں پیدا ہونے والے شہرہ آفاق کھلاڑی نے 6 مرتبہ عالمی چیمپیئن شپ جیتی اور 10 مرتبہ برٹش اوپن ٹائٹل اپنے نام کیا۔صرف یہی نہیں مسلسل 555 انٹرنیشنل میچز میں ناقابلِ شکست رہنے کا ایسا ریکارڈ قائم کیا جس کو توڑنے سے متعلق کوئی سوچ بھی نہیں سکتا۔ اسکواش کے میدان میں تو انہوں نے ہر ایوارڈ جیتا، لیکن کھیل میں بہترین خدمات کے اعتراف میں انہیں حکومت پاکستان نے بھی صدارتی تمغہ حسن کارکردگی سے نوازا۔جہانگیر خان آج بھی عالمی اسکواش فیڈریشن کے اعزازی صدر ہیں۔