سونا مزید مہنگا ، قیمت نئی بلند ترین سطح پر پہنچ گئی 

(24 نیوز)سونے کے خریداروں کیلئے بری خبر،سونا مزید مہنگا ہونے سے نئی بلند ترین سطح پر پہنچ گیا۔
تفصیلات کے مطابق ملک میں ایک تولہ سونا 200 روپے مہنگا ہوگیا،ایک تولہ سونے کی قیمت نئی بلند سطح 1 لاکھ 67 ہزار 300 روپے پر پہنچ گئی ،10 گرام سونا 171 روپے مہنگا ہوگیا،دس گرام سونے کی قیمت بھی نئی بلند سطح 1 لاکھ 43 ہزار 432 روپے پر پہنچ گئی ۔
ایک تولہ چاندی کی قیمت 1890 روپے کی بلند سطح پر برقرار ہے۔
دوسری جانب عالمی مارکیٹ میں سونا 3 ڈالر کمی سے 1797 ڈالر فی اونس کا ہوگیا ۔
یاد رہے کہ ایک ہفتے میں ایک تولہ سونا 4000 روپے مہنگا ہوا،ایک ہفتے میں دس گرام سونا 3429 روپے مہنگا ہوا،ایک ہفتے میں فی تولہ چاندی کی قیمت میں 110 روپے کا اضافہ ہوا۔

یہ بھی پڑھیں: آئمہ بیگ کا نیا گانا "پیار ہوا تھا "مداحوں کی توجہ کا مرکزبن گیا