پاکستان اور جنوبی افریقہ پہلےٹی20 میں آج مدمقابل آئیں گے 

(24 نیوز)پاکستان اور جنوبی افریقہ کے درمیان تین ٹی20 میچز کی سیریز کا آغاز آج سے ہوگا، میچ پاکستانی وقت کے مطابق رات 9 بجے شروع ہو گا ۔

 گرین شرٹس مختصر فارمیٹ میں سنہری دور واپس لانے کے خواہاں ہیں، پروٹیز سے میچز میں بڑی ٹیموں کے خلاف سیریز فتوحات کا قحط ختم کرنے کی کوشش ہوگی۔

کپتان محمد رضوان، بابراعظم اور شاہین شاہ آفریدی کی ٹیم میں واپسی ہوگی، اوپنر صائم ایوب اور  سپنر سفیان مقیم بھی سلیکشن کیلیے دستیاب ہیں۔

دوسری جانب جنوبی افریقہ کو اپنے زیادہ تر آل فارمیٹ سٹارز کی خدمات حاصل نہیں ہوں گی، قیادت ہینرچ کلاسین کے کے سپرد ہے۔

 رواں برس صرف 2 باہمی ٹی20 سیریز جیتیں، وہ بھی آئرلینڈ اور زمبابوے کے خلاف رہیں، دونوں ٹیموں کیخلاف گرین شرٹس کو ایک ایک میچ میں ناکامی کا سامنا بھی کرنا پڑا۔