انقلاب لانے والے گتھم گتھا ہو رہے: عظمیٰ بخاری

(24 نیوز)وزیر اطلاعات پنجاب عظمی بخاری نے کہا ہے کہ انقلاب لانے والے آپس میں گتھم گتھا ہو رہے ہیں، مریم نواز اللہ کی مدد سے صوبے کی قسمت بدل رہی ہیں۔

تفصیلات کے مطابق وزیر اطلاعات پنجاب عظمی بخاری نے کہا ہے کہ  نند بھاوج کی لڑائی نے فتنہ پارٹی کے پانچ گروپ بنادیے ہیں، انقلاب لانے والے آپس میں گتھم گتھا ہو رہے ہیں، مخالفین احتجاج،جلسے اور دھرنوں کی سیاست سے باہر نہیں نکل رہے،

ایک صوبے میں جس جماعت کی 11 سال سے حکومت ہے وہاں صرف مولا جٹ کی سیریل چل رہی ہے،سول نافرمانی کی تحریک چلانے والے کو پہلے بھی منہ کی کھانی پڑی تھی،جب بھی ملک ٹریک پر آتا کوئی فتنہ رخنہ ڈالنے نکل پڑتا ہے،پاکستان اب کسی فتنے کا متحمل نہیں قوم کی مدد سے ہر فتنے کو کچل دیا جائے گا۔

مزید پڑھیں:عمران خان کی جیل سے دھمکیاں،حکومت متحرک

عظمیٰ بخاری نے کہا کہ مریم نواز دورہ چین کے دوران تاریخی معاہدے کررہی ہیں،مریم نواز پنجاب کی تقدیر بدلنے جارہی ہیں،مریم نواز نے کینسر کے جدید ترین اعلاج کا معاہدہ کیا ہے،پنجاب میں زراعت کے شعبے میں جدت لانے کے لیے بھی معاہدہ ہوچکاہے۔