اعلیٰ تعلیمی اداروں میں فیس آدھی ہوگی،علی امین گنڈاپورنے صوبے کے طلبا کو خوشخبری سنادی

 (ویب ڈیسک)وزیر اعلیٰ خیبر پختونخوا  علی امین خان گنڈا پورنے چیف منسٹر ایجوکیشن انڈومنٹ فنڈ کی رقم 1.2 ارب روپے سے بڑھا کر 2.4 ارب روپے کر نے کا اعلان کرتے ہوئے کہا کہ اگلے سال تمام سرکاری اعلیٰ تعلیمی اداروں میں فیسیں آدھی کرنے کی خوشخبری سنادی۔

وزیراعلیٰ ہاؤس پشاورمیں منعقدہ چیف منسٹر ایجوکیشن انڈومنٹ فنڈ کے تحت  سکالرشپس کی تقسیم کی تقریب سے خطاب کرتے ہوئے علی امین گنڈاپورنے کہا کہ صوبائی حکومت کی مکمل کوشش ہوگی کہ اگلے مالی سال سے تمام سرکاری اعلیٰ تعلیمی اداروں میں فیسوں کو آدھا کیا جائے اور اس مقصد کےلیے اپنے وسائل سے صوبے کی آمدن بڑھانے پر کام کر رہے ہیں۔

انہوں نے کہا کہ گزشتہ 9 مہینوں کے دوران صوبائی حکومت کی آمدن میں 44 فیصد اضافہ ہوا ہے، صوبے کی بچیوں اور یتیم بچوں کو بارھویں جماعت تک مفت تعلیم دینے کےلیے دو ارب روپے مالیت کا انڈومنٹ فنڈ قائم کر دیا گیا ہے، اپنے بچوں کی تعلیم اور ان کے بہتر مستقبل پر زیادہ سے زیادہ وسائل خرچ کریں گے،وزیراعلیٰ نے کہا کہ یقین دلاتا ہوں صوبائی حکومت نوجوانوں کو مکمل سپورٹ فراہم کرے گی،انہوں نے اعلان کیا کہ چیف منسٹر ایجوکیشن انڈومنٹ فنڈ 1.2 ارب روپے سے بڑھا کر 2.4 ارب روپے کردیا گیا ہے۔

رپورٹ کے مطابق چیف منسٹر ایجوکیشن انڈومنٹ فنڈ کے تحت اب تک 615 ملین روپے کی مدد سے 526طلبہ کو اسکالر شپس فراہم کی جاچکی ہیں، جن میں 366 انڈر گریجویٹس اور 150 گریجویٹس اسکالر شپس شامل ہیں۔

مزید برآں 10 گریجویٹس سکالر شپس مختلف بین الاقوامی جامعات کےلیے بھی دی گئی ہیں۔

یہ بھی پڑھیں:  علی امین گنڈاپور،بشریٰ بی بی سمیت کئی پی ٹی آئی رہنماؤں کے وارنٹ گرفتاری جاری