آرمی چیف کا لاجسٹک تنصیبات کا دورہ، انفراسٹرکچر بہتر بنانے سے متعلق بریفنگ

(24نیوز)آرمی چیف جنرل قمرجاویدباجوہ نے راولپنڈی میں لاجسٹک تنصیبات کادورہ کیا، آرمی چیف کوانفراسٹرکچرکوبہتربنانے سے متعلق امورپربریفنگ دی گئی،جنرل باجوہ نے اعلیٰ معیار کی سہولیات اور خدمات کی فراہمی کو سراہا۔
پاک فوج کے تعلقات عامہ کے شعبے آئی ایس پی آر کے مطابق آرمی چیف کا چیف آف لاجسٹکس سٹاف لیفٹیننٹ جنرل اظہرصالح عباسی اورکیو ایم جی لیفٹیننٹ جنرل عامرعباسی نے استقبال کیا۔
آئی ایس پی آر کے مطابق آرمی چیف نے ون ونڈوآپریشن کے تحت آپریشنل کارکردگی بڑھانے کی تعریف کی،جنرل باجوہ نے مقامی سطح پرترقیاتی،تزئین ومرمت پروگرامزکو بھی سراہا۔