سدھارتھ اور کیارا کی شادی کی پہلی ویڈیو سامنے آگئی

(ویب ڈیسک )بالی ووڈ  کے نئے شادی شدہ جوڑے نے اپنی شادی کے دن کی پہلی ویڈیو اپنے مداحوں اور سوشل میڈیا صارفین کے ساتھ شیئر کر دی جس میں دیکھا جا سکتا ہے کہ دونوں 

پھولوں کی بارش کے درمیان رقص کر رہے ہیں۔

اس ویڈیو کا آغاز کیارا ایڈوانی کی ہلکے گلابی رنگ کا عروسی جوڑا پہنے اپنے کچھ قریبی دوستوں اور خاندان کے افراد کے ساتھ انٹری سے ہوتا ہے اور پھر جیسے ہی وہ سامنے اپنے شوہر سدھارتھ ملہوترا کو دیکھتی ہیں تو مسکرا کر ڈانس کرنے لگتی ہیں۔ویڈیو کے اختتام پر دونوں میاں بیوی نے ایک دوسرے کو مالائیں پہنائیں اور گلے لگایا۔

۔ویڈیو شیئر ہوتے ہی سوشل میڈیا پر وائرل ہو گئی ۔

View this post on Instagram

A post shared by KIARA (@kiaraaliaadvani)

واضح رہے کہ سدھارتھ ملہوترا اور کیارا اڈوانی 7 فروری کو جیسلمیر کے سوریہ گڑھ پیلس میں رشتۂ ازدواج میں منسلک ہوئے۔

حال ہی میں شادی کے بندھن میں بندھنے والی اس جوڑے کی 2 استقبالیہ کی تقریبات منعقد کی جائیں گی، ایک دہلی جبکہ دوسری بالی ووڈ کے فنکاروں کے لئے ممبئی میں ہوگی۔

یاد رہے کہ انہوں نے 2021ء میں ریلیز ہونے والی فلم ’شیرشاہ‘ کی شوٹنگ کے دوران ایک دوسرے کو ڈیٹ کرنا شروع کیا تھا۔