پی سی بی کی جانب سے کراچی بھر میں اوپن ٹرائلز کا آغاز 

(24 نیوز) پاکستان کرکٹ بورڈ کی جانب سے کراچی بھر میں اوپن ٹرائلز کا آغاز کردیا گیا ہے۔

یہ ٹرائلز کراچی کے ساتوں اضلاع کے زونز میں جاری ہیں، ینگ فائٹر کرکٹ اکیڈمی میں بھی انڈر 13 اور انڈر 16 کا کیمپ لگایا جاچکا ہے۔

یہ بھی پڑھیے: پی سی بی نےآصف آفریدی پر دو سال کی پابندی عائد کردی

کوآرڈینیٹر زون نوید محبوب کے مطابق ٹرائلز صبح 9 بجے سے جاری ہیں جہاں کرکٹ کے شوقین نوجوانوں کا رش دیکھنے میں آرہا ہے، انڈر 13 کے ٹرائلز میں 3 سو سے زائد نوجوانوں نے حصہ لیا جبکہ انڈر 16 کے ٹرائلز میں ساڑھے 4 سو سے زائد نوجوان حصہ لے رہے ہیں۔

اس حوالے سے ان کا مزید کہنا تھا کہ 2014ء کے آئین کے مطابق ٹرائلز  لیے جا رہے ہیں، نوجوانوں سے درخواست ہے کہ وہ پی سی بی کے ایس او پیز پر عملدرآمد کریں۔