پی ایس ایل: میلہ سجنے میں صرف 2 روز باقی
کیپشن: پی ایس ایل سیزن 8 (فائل فوٹو)
Stay tuned with 24 News HD Android App
(24نیوز) پاکستان سپر لیگ (پی ایس ایل) کے 8ویں سیزن کی تیاریاں عروج پر، میلہ سجنے میں صرف 2 روز باقی رہ گئے۔
تفصیلات کے مطابق ملتان کرکٹ اسٹیڈیم میں پی ایس ایل سیزن 8 کی افتتاحی تقریب کیلئے تیاریاں کی جارہی ہیں، افتتاحی تقریب 13 فروری کو منعقد کی جائے گی۔ انتظامیہ کی جانب سے عوام کی آسانی کیلئے انتظامات کیے جارہے ہیں۔ میچز کے دوران ضلعی انتظامیہ شہریوں کو فری شٹل سروس فراہم کرے گی، اس کے علاوہ فاطمہ جناح ٹاؤن میں شہریوں کے لئے پارکنگ کا انتظام کیا گیا ہے۔
میچز میں اچھی کارکردگی کیلئے ملتان سلطان کے کھلاڑیوں کی اسٹیڈیم میں پریکٹس جاری ہے، پہلا میچ 13 فروری کو ملتان سلطان اور لاہور قلندر کے مابین کھیلا جائے گا۔