ہربھجن سنگھ اور شعیب اختر ایک بار پھر آمنے سامنے 

( 24 نیوز ) پاکستان کے لیجنڈری فاسٹ باؤلر شعیب اختر   اوربھارت کے سابق کھلاڑی ہربھجن سنگھ  ایک بار پھر آمنے سامنے آگئے  جس کی ویڈیو سوشل میڈیا پر وائرل ہوگئی۔

وائرل ویڈیو میں شعیب اختر اور ہربھجن سنگھ کو دبئی کے انٹرننشل کرکٹ  سٹیڈیم میں موجود دکھایا گیا، ویڈیو میں دیکھا گیا کہ ہربھجن سنگھ کے ہاتھ میں پلاسٹک کا بیٹ موجود ہے اور شعیب اختر ان کے سامنے آتے ہیں، ان کے ہاتھ میں بول ہوتی ہے اور وہ اس سے مارنے کا اشارہ کرتے ہیں اور مذاق میں ایک دوسرے سے مختصر جھگڑا کرتے ہیں جیسا کہ ماضی میں دونوں کھلاڑیوں کو کرکٹ کے میدان میں دیکھا جاتا تھا۔

مزید پڑھیں:کیا زخمی حارث رؤف چیمپئنز ٹرافی کھیل پائیں گے ؟ قومی کرکٹر کی ایم آر آئی رپورٹ آگئی 
دونوں سابق کرکٹرز کا فیس ٹو فیس دیکھ کر سوشل میڈیا صارفین یہی کہتے دکھائی دیئے کہ انہوں نے ایسا کر کے ماضی یاد دلا دیا۔

 واضح رہے کہ چیمپئنز ٹرافی 2025 میں بروز اتوار 23 فروری کو دبئی میں بھارت کا مقابلہ پاکستان سے ہوگا۔ پاکستان ٹورنامنٹ کی میزبانی کرنے کے باوجود بھارت پاکستان کا سفر کرنے سے انکار کرنے کے بعد اپنے تمام کھیل نیوٹرل مقام پر کھیلے گا۔