جب میں زخمی ہواتو بیٹے تیمور نے کیا سوال کیا؟ سیف علی خان نے بتا دیا
Stay tuned with 24 News HD Android App
(ویب ڈیسک)معروف بالی ووڈ اداکار سیف علی خان نے کہاہے کہ گھرمیں ہونیوالے حملے میں زخمی ہونے کے بعد بیٹے تیمورنے مجھے زخمی دیکھ کر پوچھاتھاکہ کیا آپ مر جائیں گے؟
بھارتی میڈیا کے مطابق بالی ووڈ اداکار سیف علی خان نے گزشتہ مہینے اپنے گھر ہونے والی واردات کا قصہ اور اس میں اپنے معصوم بیٹے کے ردعمل کے حوالے سے ایک انٹرویو میں گفتگو کی ہے۔
اداکار نے بتایا کہ شروع میں مجھے بالکل احساس نہیں ہوا کہ مجھے چھری لگی ہے، کچھ تکلیف تو محسوس ہو رہی تھی، جیسے میری کمر میں کچھ مسئلہ ہوا ہے، اس دوران کرینہ مجھے کہنے لگیں کہ آپ ہسپتال پہنچیں میں اپنی بہن کے گھر جاتی ہوں، وہ جلدی میں کالز کر رہی تھی، اس وقت کوئی اورنہیں تھا،میں نے انہیں کہا کہ میں ٹھیک ہوں، ابھی مر نہیں رہا، اس موقع پر چھوٹے بیٹے تیمور نے مجھ سے پوچھا کیا آپ مر جائیں گے؟ تاہم میں نے انہیں جواب نہیں دیا۔
واضح رہے کہ لیلا وتی ہسپتال میں ڈاکٹرز نے میڈیا بریفنگ میں بتایا تھا کہ زخمی سیف علی خان اپنے بیٹوں تیمور اور ابراہیم کے ہمراہ ہسپتال پہنچے تھے۔
معروف اداکار نے بتایا کہ جب میں نے ہسپتال میں تیمور کو دیکھا تو وہ مکمل مطمئن نظر آئے، وہاں انہیں دیکھ کر مجھے بہت سکون ملا، میں اس وقت اکیلا نہیں رہنا چاہتا تھا۔
یہ بھی پڑھیں:پریس کانفرنس میں تاخیر سے آنے پر فیروز خان اور خاتون صحافی میں تلخ کلامی
سیف علی خان نے کہا کہ شاید کرینہ نے انہیں میرے ساتھ اسی لیے روانہ کیا تھا کہ وہ جانتی تھیں کہ اس حالت میں تیمور کا میرے ساتھ رہنا کتنا ضروری ہے۔