کراچی میں گرنے والے طیارے میں مجھے بھی سوار ہونا تھا: نازش جہانگیر کا انکشاف
جب پہلی بار اسلام آباد سے کراچی ایئرپورٹ پر اتری تو کراچی اچھا نہیں لگا اب اچھا لگنے لگا ہے
Stay tuned with 24 News HD Android App
(ویب ڈیسک)معروف ماڈل واداکارہ نازش جہانگیر نے انکشاف کیا ہے کہ چند سال قبل کراچی میں گر کر تباہ ہونےوالے طیارے میں میرا بھی ٹکٹ تھا لیکن خوش قسمتی سے میں نہیں جا سکی تھی۔
کراچی میں مئی 2020 میں پی آئی اے کا طیارہ لینڈنگ کے وقت گر کر تباہ ہوگیا تھا، جس میں 100 کے قریب افراد جاں بحق ہوئے تھے،یہ طیارہ کراچی میں آبادی پر گرا تھا، جس وجہ سے گھروں کو بھی نقصان ہوا تھا اور گھروں میں موجود چند افراد بھی جاں بحق ہوگئے تھے۔
اس حادثے کے 5 سال بعد نازش جہانگیر نے انکشاف کیا ہے کہ ان کا بھی مذکورہ طیارے میں ٹکٹ تھا اور انہیں کراچی سے اسلام آباد آنا تھا لیکن خوش قسمتی سے وہ آ نہ سکی تھیں۔
نازش جہانگیر نے ایک پوڈکاسٹ میں شرکت کی جہاں مختلف معاملات پر کھل کر بات کی,پروگرام کے دوران انہوں نے بتایا کہ ان کا پہلا فضائی سفر والدین کے ہمراہ سعودی عرب کا تھا جبکہ خود اپنے اخراجات پر انہوں نے سہیلیوں کے ہمراہ مالدیپ کا پہلا سفر کیا تھا،وہ جب پہلی بار اسلام آباد سے کراچی ایئرپورٹ پر اتریں تو انہیں کراچی اچھا نہیں لگا لیکن اب انہیں کراچی اچھا لگنے لگا ہے۔
ایک سوال کے جواب میں نازش جہانگیر نے بتایا کہ وہ ملکیت بنانے کی قائل نہیں، ان کے لیے والدین کا گھر بھی ان کا ہے جب کہ ہونے والے شوہر کا گھر بھی ان کا ہی ہوگا، اس لیے وہ ملکیت بنانے کی قائل نہیں۔
انہوں نے انکشاف کیا کہ ایک ہی دن میں ان سے 6 پروازیں بھی چھوٹیں جو اسلام آباد سے کراچی کی تھیں اور ہر بار کوشش کے باوجود وہ وقت پر نہیں پہنچ پا رہی تھیں، کورونا لاک ڈاؤن کے بعد کراچی میں گر کر تباہ ہونے والی پرواز بھی ان سے چھوٹ گئی تھی۔
یہ بھی پڑھیں:معین اخترکاکون ساکردارسب سے خاص تھا؟انورمقصودنے بتادیا
نازش جہانگیر کے مطابق 2020 میں جو پی آئی اے کا طیارہ کراچی میں تباہ ہوا، اس میں ان کا ٹکٹ تھا لیکن وہ نہیں گئیں،حادثے کا سننے کے بعد انہوں نے شکر ادا کیا تھاکہ وہ نہیں گئیں۔